Jackie Henshall

Yn yr arddangosfa hon rwy’n lansio fy llyfr cyntaf o farddoniaeth a darluniau o’r enw ‘There came upon me in the night a quiet’. Mae’r broses greadigol ar gyfer y gyfrol hon wedi digwydd mewn ffyrdd syfrdanol, weithiau’r gerdd yn dod yn gyntaf ac weithiau’r darlun, yn sgwrsio gyda’n gilydd ar hyd y ffordd, yn newid ei gilydd ac yn fy newid i hefyd. Wedi fy swyno gyda’r cydadwaith rhwng delwedd ac iaith rwyf wedi bod yn gweithio yn y gobaith y byddant gyda’i gilydd yn dweud rhywbeth na all y naill na’r llall ei ddweud ar eu pennau eu hunain am y profiad annirnadwy o fod yn fyw. Ar ryw adeg ar hyd y ffordd dechreuais hefyd wneud cerfluniau gwydr wedi'u hysbrydoli gan y geiriau neu'r lluniau, ac felly mae'n parhau, geiriau'n troi'n ddelweddau, delweddau'n troi'n eiriau, a gyda'i gilydd, efallai, yn fwy na chyfanswm eu rhannau?

Am yr Artist

Mae Jackie Henshall (BA Celfyddyd Gain, Central College of Art, Llundain) yn artist sydd ar hyn o bryd yn gweithio gyda gwydr odyn o’i stiwdio mewn hen felin wlân wedi’i hadnewyddu yng Ngorllewin Cymru lle mae hi hefyd yn byw. Cyn hynny, sefydlodd fusnes llwyddiannus yn dylunio crefftau papur, cardiau a phrintiau giclee a'u dosbarthwyd ledled y DU, Ewrop ac Awstralia. Mae ei chelf wedi cael sylw mewn sawl llyfr, a’i cherddi wedi’u cyhoeddi’n unigol. Dyma’r tro cyntaf iddi gyfuno ei cherddi â’i darluniau, er ei bod ers peth amser bellach wedi bod yn cynnwys pennillion yn ei gwydr odyn. Yn gerddwr a theithiwr dewr mae'n cael llawer o ysbrydoliaeth o fyd natur.

I gysylltu â'r artist ynglyn â'r gwaith, neu i drafod comisiwn, cysylltwch drwy law'r Oriel gan ddefnyddio'r manylion cyswllt ar droedyn y dudalen os gwelwch yn dda.