Flora McLachlan

Mae Flora yn byw ar gyrion rhostir Y Preselau ac yn gwneud ysgythriadau a lithograffau. Mae hi'n Gymrawd o Gymdeithas Frenhinol y Peintwyr-Printwyr, yn aelod o Academi Frenhinol Cambria, ac mae ganddi MA mewn Celfyddyd Gain o Brifysgol Aberystwyth.

Mae delweddau Flora yn deillio o'i hymdeimlad o elfennau chwedlonol a nodweddiadol y tirwedd, fel y'u ceir yn y traddodiad adrodd straeon. Mae hi wedi'i swyno gan sut mae olion darllen ein plentyndod yn effeithio ar ein cysylltiad emosiynol â'r tirwedd o'n amgylch.

Yn ei gwaith, mae delweddau o'i bywyd bob dydd a'i hatgofion yn cael eu casglu a'u rhwymo i fytholeg betrus bersonol sy'n ei phlethu i'r byd ac at bobl eraill. Mae motiff y chwilfa drawsnewidiol mewn rhamant canoloesol yn ysbrydoli ei gwaith gydag ymdeimlad o deithio allan i'r goedwig wyllt, ac i mewn i ddirgelion yr hunan. Mae ei gwaith yn cael ei lywio gan natur ei deunyddiau, boed yn siarcol lleol, plât copr, pren, neu garreg lithograffig. Mae hi hefyd yn defnyddio ffurfiau creëdig o ddewiniaeth a throeon defodol ac yn dyfeisio digwyddiadau hudol er mwyn archwilio'r delweddau y mae hi'n eu defnyddio. Mae awgrym o ymestyn at yr Arall bob amser yn bresennol yn ei gwaith.

"Rwy'n mwynhau gweithio gydag olion annisgwyl, arsylwi arnynt ac ymateb iddynt, er mwyn breuddwydio fy nelweddau i fodolaeth. Trwy byrth alcemegol ysgythru neu lithograffeg, gallaf grwydro i wahanol fydoedd hudolus a chreu fy ngwaith y tu mewn i awyrgylch y stori dylwyth teg honno."